Tamazight

Portail sur Tamazight
 
AccueilAccueil  PortailPortail  FAQFAQ  RechercherRechercher  MembresMembres  GroupesGroupes  S'enregistrerS'enregistrer  Connexion  

Partagez | 
 

 Livre : Sadu tira… tira

Voir le sujet précédent Voir le sujet suivant Aller en bas 
AuteurMessage
Admin
Admin
avatar

Messages : 1406
Date d'inscription : 04/09/2009
Age : 35

MessageSujet: Livre : Sadu tira… tira   Mar 29 Déc - 2:31



Immarni d deg iyar n tsekla tamazight di Arrif ij n wedlis d amaynu, netta d ammud[1] wis krad n Karim KANNOUF: “sadu tira… tira”, awarn i “Jar wesfed d usennan” (2004) d “Reâwin n tayri” 2009. adlis a myawazen deg usegged n tira d tighri tughzint[2] H.Banhakeia El Hossaein Farhad d A.ZIZAOUI. netta d adlis wis kuz’ id tessufegh tabridt n tghuri timazighin n tesdawt n Wejda[3].

Mamec id yusa di temsizwart n wedlis a:

Adlis a isseghmi d, jar tefray nnes, ca n tqessisin d timaynutin[4], mani ameghri ad daysent yaf isental[5]msebd’an maca ttemsagarn di talgha[6]. Azrawi igga as’urif deg iyar n tqessist tamazight: yarcem izlan nnes s watt’as n tmeghra[7] i iggin afray icna. Kannuf ittsessu tamazight s tidi n tira h’uma ad teghmi ad terqeh’ deg iyar n tsekla tamad’lant[8].

Tikti[9] i ittcuqn ammud a d taghuyyit mgal[10] ah’wws n tesghart n Umazigh, zi Siwa ar Kanari. Nettat temsebd’a xaf sin n wudmawn: Tira d tayri. Tira di tqessisin d asentel d amaynu di min ittwarun ar assa. Nettaf days axarres i isseddaran min iteddarn di tatlayt[11] am tmazight. Izlan a d awardi i wulawn yarghin s ucemmud’ n tira…

Di “Sadu tira… tira“, issars d marra min izemmar ad yini d marra min war izemmar ad yini. Izlan a ssummten leh’riq d tghufawin, tad’sa[12] d imett’awn, aâeffar d timmuzgha[13]. Fruryn d alaghi i war ittmettin. Tira a ttinitent xaf tutlayt tamazight, xaf tallest yarezzun tifawt, xaf wfgan i iffudn tayri, xaf umezwag[14] i iffudn Arrif, xaf umett’a i iffudn tad’sa, xaf ufadi i iffudn aman, xaf weghray i iffudn anqar, xaf tussanin i iffudent leâwin, xaf useghdi i iffudn awal, xaf wawal i iffudn tira, xaf tira i iffudn tira.

Kannuf ixs ad yari, tira nnes xsent ad ksent afray xaf tmazight, ad yari min ghars di twangimt nnes, h’uma ad nessen belli netta iqqen ghar tmazight, tamazight teqqen ghars. S manaya izz’i anegh d tiqessisin a yard’ent qaâ iwaln n tcuni imudn s leh’riq d tayri, s marra tufrayin[15] n umaru.

Deg umeggar, tiqessisin a tettarent zeg Imazighen ad tent gharn, ad tent zz’un deg wulawn nsenn, war tent ttejjin ca d tiyujilin teddarent di tattut…

A. ZIZAOUI




[1] Recueil
[2]Etude analytique
[3]Filière des études amazighes, université d’Oujda
[4] Nouvelles
[5] Sujet
[6] Forme
[7] Rimes
[8] Universelle
[9] Idée
[10] Contre
[11] Oralité
[12] Rire
[13] L’honneur
[14] Emigré
[15] Emotions et sentiments
Revenir en haut Aller en bas
Voir le profil de l'utilisateur http://tamazight.forumactif.com
 
Livre : Sadu tira… tira
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Recherche auteur pour livre éducatif pour enfant
» Présentation du livre "Semois sauvage" 24/9 à 19h + expo Beluxphoto à Florenville
» Livre - "Obsession" de Catherine Kalengula : une version moderne du fantôme de l'opéra
» Albert Cohen : Belle du Seigneur, Le livre de ma mère, etc.
» J'ai fait imprimer un livre-photo ...

Permission de ce forum:Vous ne pouvez pas répondre aux sujets dans ce forum
Tamazight :: Culture et Civilisation :: Culture-
Sauter vers: