rbtn ura d idurar i waz'r'i nni daym
innxr3 uriri izid igga am udm
ajjaj kidm ignu idwr war inhhm
tz'r'i cm d taziri tbdd tugi a trhm
umi dayi tjjid rxxu mani tdjid ?
bt't'u nnm d as'mmid' umi iwd'd'ar' wbrid
yarra ur itirid ghar imt't'awn n wjd'id'
issghd'r' dg ubrid awar am war iwid'
umi dayi tjjid ma i nc nigh i mzri ?
nigh i wz'r'u icmd' s tiqqad n uriri
trajigh xas taziri, i mrmi ghar tari
a tari ay qqa tt a tt hdigh a tghri
tsqsigh tt x tcuni jar tadjst d yimri
tsqsigh tt x idurar war itarrin bu tiri
tsqsigh tt x ubrid i di trca ticri
tsqsigh tt x tidt yuyrn ghar uraji
ad tar war d ttarri maca tsrmd ayi
ad xmrgh asqsi ad rajigh araji
Auteur : Benaissa El Mestiri
Accueil 
